Ramona, Oklahoma hmuna intihsiakah Mykolas Alekna chuan metre 74.35 zeta thui thlawhin kum 38 chhung zet ding tawh men’s discus throw record a khum ta a ni.
Lithuanian Alekna thlawh thui zawng hi a tirah 74.41m tiin an chhinchhiah zet a, an teh\hat hnuah centimetre rukin an titawi ta zawk a ni.
Alekna hringtu pa Virgilijus pawh kha discus thrower hriat hlawh tho niin, sial rangin sial rang bawk a hring a, men’s world record ding rei ber chu a rawn khum ta a ni.
Record thaichhiat tak chu kum 1986 daih tawha German Jurgen Schult siam niin, metre 74.08-a thui a thlawh kha world record a ni rei hle a ni.
Kum 21 mi Alekna hian kum 2022 world championship-ah silver medal awrhin, 2023 world championship bronze a sualchhuak zui leh.
Alekna pa Virgilijus kha kum 2000 leh 2004-ah Olympic champion niin, kum 2000-a a thlawh 73.88m chu all-time list-ah pathumna a ni pha nghe nghe.
Men’s discus record thar
