Meta CEO ZUckerberg an ngaihdam a dil

Meta CEO Mark Zuckerberg chuan social media an an fate a tichhe nasa tia sawitu chhungkua te hnenah US Senate in hearing a neihnaah ngaihdam a dil.
Instagram leh Facebook neitu Zuckerberg chuan chung mite lam chu hawiin an paltlang ang te kha tumahin paltlang lo se a duh tiin a sawi a.
Amah leh TikTok, Snap, X leh Discord boss te chu party pahnih atanga senator ten darkar li vel zet thu an zawtfiah a ni.
Lawmaker te chuan chung social media platform neitute chu online a naupangte him nana eng nge an hmalakna leh tih hriat an duh a ni. US senator tena tech boss lawk te zawhna an zawh hi thil thleng khat tak a ni.
Zuckerberg leh TikTok CEO Shou ZI Chew te chuan thu zawhfiah hi an pawm nghal mai a, mahse Snap leh X leh Discord te chuan a tirah chuan sorkar in thu zawhfiah atana a kohna hi an hnar a ni.
Heng tech boss panga te hnungah hian social media content avanga naupang mahni intina leh intihlum hial chhung e chu an thu a ni.
CEO tena room an luh chiah pawhin an ei loh zia lantir nan thawm lo chhuahin lawmaker tena zawhna na tak an zawh apiangin kut an lo beng thin thung.
Hearing neihnaah online sexual exploitation a naupangte humhim dan tur chungchang chu thlurbing ber a nih rualin senators te tan pawh executive powerful lutuk panga te chu an thuneihna hnuaia an awm lai a nih avangin zawhna an zawt tam hle a ni.
TikTok hotu Chew chu a company chuan US user data te chu Chinese sorkar hnenah a pe em tia an zawhna chu an pek loh thu a sawi a. “Naupang pathum pa ka nih angin vawiina kan issue chai tlan hi a rapthlakzia leh nu leh pa tinte tana mangchhia a nih ka hria a ni” tiin a sawi a. Ama fate ngei pawhin Singapore an chenna in a remtihloh avangin TikTok chu an hmang lo a ti bawk.
Zuckerberg, chief executive of Meta chu thuzawh nasat ber niin Congress hmaah tum riat a inlanna a ni tawh bawk.
Republican Senator Ted Cruz chuan Instagram promt a user te chu child sexual abuse material an thlir mai thei dawn tih intarlanna chu hmuhin, “Zuckerberg, eng thil nge i ngaihtuah?” tiin a zawt a. Zuckerberg chuan ama mimal takin a lo enfiah tur thuin a chhang a ni.
Republican Senator Josh Hawley-an zawhna a zawh laiin Zuckerberg chuan a hnunga victim chhung thu te chu hmachhawn tura dingin, “In thil paltlang tinah a pawi ka ti a, a rapthlak a ni” tia sawiin, “In chhungkuain in tawrh leh paltlang ang kha tumahin an tuar tur a ni lo asin” tiin a sawi.