Excise & Narcotics Department leh YMA Bawngkawn Branch thawk dun chuan February 17 zan khan Bawngkawn Brigade Vengah crystal methamphetamine kg.1 leh gram 30, methamphetamine mum 166000 (kg.16 & gram 105) an man a, a neitu nia puh Hrangtinkhara @ Robert @ Duhzuala (49), Tahan Pinlung Kalemyo district Myanmar, tuna Bawngkawn Brigade Venga khawsa mek nia inchhal pawh man a ni.
Methamphetamine man zawng zawng hi kg.17 leh gram 135 a ni.
Crystal methamphetamine leh methamphetamine hi Myanmar atanga lak, state danga hralh tura ruahman nia sawi a ni a. A kawltua puh hi ND&PS Act 1985 tlawhchhanin thubuai siamsak a ni.
Methamphetamine kg.17 man
