Aspirational Block Programme (ABP) hnuaia sector hrang hranga hmalaknaa mi taima leh hlawhtling thlan chhuah zing ami, H Vanropari chu Saitual district bawrsap Dr Lalngura Tlau chuan nimin khan a kawm.
H Vanropari w/o Lalbuatsaiha hi Pawlrang khua, Saitual district-a cheng a ni a, fu huan tin 3 hmun neiin kurtai an siam thin. Vawikhat herah tum khatah kg. 30-40 inkar a thar thin a ni. Kumina Delhi-a Independence Day hmanna turah ‘special guest’ zing ami a thlan tel niin, a kal man leh senso hi sawrkai laipuiin a tumsak dawn a ni.
Mizorama ABP pathum – Lungsen, Reiek leh Ngopa atangin mi pathum thlan an ni a. Saitual district atangin Ngopa Block aiawhin H Vanropari hi thlan a ni. ABP hnuaiah hian theme hrang hrang – health & nutrition, agriculture & allied, social development, basic infrastructure leh education a awm a; heng atang hian Mizoram State Rural Livelihoods Mission (MZSLRM) hmalakna hnuaiah loan pek thin a ni a, hei hi loneitu tam takin chhawr tangkaiin hlawhtlin nan an hmang a, chumi zingah chuan H Vanropari hi a tel a ni.
Mi hlawhtling thlan zinga tel bawrhsap-in a kawm
