Mi thaute an tuar zuau duh

Mi cher aiin mi thau ten na an hre hma zawk a, na an ngah zawk bakah an tuar zuau zawk niin mithiam ten an sawi.
Stony Brook University-a researcher Arthur Stone leh a thawhpui ten mi maktaduai 1-ah zirchianna neiin, mi thau te chu an thau zawh poh leh an tuar a zuau ting mai niin an sawi.
Stone leh a thawhpui te hian 2008 leh 2010 inkara Gallup Organisation-in survey an lo neih tawhna data te pawh an chingchip leh a, mi an san zawng leh taksa rih zawng atangin an body mass index (BMI) te an chak chhuak a, BMI 36.8% te chu cher atanga normal anga ngaih an ni a, 38.3% te chu overweight chin a ngaih an ni a, overweight dang te hi an thau dan a zirin level thumah then leh an ni.
Mithau pangngai zingah 20% in na an ngah zawk a, thau satliah aia thau leh deuh (group 1) in 68% in na an ngah leh a, thau lehzual ten 136% in na an ngah leh a, an thau uchuak tak tak ho group chuan 254% in na an ngah bik niin an sawi.
Mithau ten na an ngah zawkna chhan hi an thau vanga an taksa ritin a nghawng chhuah ni lovin an sawi a, an hmuhdan pakhatah chuan mi thau te chuan thau chuangtlai an ngah a, chu chuan physiological process-ah nghawng neiin, na an hriat hma phah bik niin an sawi.
He zirchianna chungchang hi journal Obesity-ah tarlan a ni.