Mid Day Meal siamtuten an lawmman an lak theih loh avangin kumin October 18 hnulamah chuan buatsaih theihah an inngai tawh lo tih an sawi.
PM Poshan Cook lawmman leh material cost dawn loh avanga harsatna chungchangah Mizoram Middle School Teachers’ Association leh Mizoram Primary Teachers’ Association chuan School Education director hnenah lehkha thawnin, 2024 September 17-a an hruaituten minister hnena an harsatna an thlen tawh, a hnenah pawh hmaichhana an sawipui angin an harsatna sutkian a la ni lo tih an sawi
‘Cook honorarium hi April leh May atan kan dawng a, kan lawm hle rualin, kan harsatna pui ber, cooking cost leh cook honorarium hi kan mamawh ang kan la dawng lo a, hreh tak chungin Mid Day Meal hi 2024 October 18 hnulam atang chuan kan buatsaih thei tawh dawn lo a ni,’ an ti.
Hetiang em hi a thlen lohna turin khawngaih taka an harsatna hi October 18 ralhmaa sutkian sak turin an ngen tih an sawi a ni.
Mid Day Meal tih tum tawh lo
