AC Milan chuan Cham-pions League Group F mawngphah thawhsan turin Thawhlehni zanah 2-1-in Paris St-Germain an hneh a, mualneitu team chakna goal pawimawh hi Olivier Giroud tauhluh niin, season kal laia Europe goal a thun vawikhatna leh Champions League season kal meka Italian club chak vawikhatna a ni nghal.
He inkhelah hian Ligue 1 team chefuh hmasain, tan atanga minute kuana lekah Inter Milan defen-der hlui Milan Skriniar chuan Marquinhos tauh-pial meih atangin PSG hmahruaina a thun a; minute thum hnuah Rafael Leao chuan Serie A club siphurh a sut a; tarlan tak angin, San Siro khelmuala goal lut pathumna leh mualneitu team chakna goal ni zui ta hi Arsenal forward hlui thawh a ni.
French forward hian second half tir lam minute 50-ah Theo Hernandez-a siamsak atangin mualneitu team chakna goal pawimawh a tauhlut a; he hnehna hmang hian khelh li atanga point nga hum chungin AC Milan chuan an group-ah pathumna an luah chho a; Inrinni zan inkhel danga Borussia Dortmund muala sihnih faia tlawm Newcastle United chu palinaah an chhuk.
Point ruk neiin PSG pawhin an hmahruaina an hloh a, pahnihnaah awmin, hmahruaitu thar Dortmund lakah point khatin an hniam a; season liamta semi-finalists Milan tan knockout stages luhna kawng la inhawngin, November ni 28-a Dort-mund an mikhual tur hi an tan inkhel pawimawh a ni ang.
San Siro inkhel lamah bawk khan kirleh lawk ila, kum 2015-2021 chhunga Milan goalkeeper lo ni tawh Gianluigi Donnarumma chu kum hnih liamtaa PSG lama a insawn hnua a tumkhatna’na San Siro-a a kirleh zanah home fans lamin an boo khum ruih ruih.
Milan hi tun seaosn-a Champions League match an khelh hmasak pathum ngaihtuahin an game-in hma sawn hle a; Do-nnarumma khan Her-nandez leh Fikayo Tomori-te free-kick chhuih dansak lo phei se la chiang lehzual zawka chak thei tur an ni.
Hun tawp dawna kaihza tha na avanga an player pawimawh Chris-tian Pulisic thlak ngai ta erawh Italian team-in knockout round luh an tumna kawngah an tuar zui thei dawn em sawi theih a ni rih lo.
San Siro inkhel kha a hmunah mipui 75,649 zetin an thlir a, kum 2009 daih tawha Real Madrid an lehthal hnua a vawikhatna’na Milan-in si phur hmasa zet chunga Champions League game-a hnehna an chanlet vawi-khatnaah an supporter-te khan an thawhhlawk ngeiin a rinawm.
November ni 28 Group F inkhel dangah PSG-in Newcastle United an mikhual ve thung ang.
Milan chakpuitu Giroud
