Miley Cyrus ‘Flowers’ chu Billboard Global 200 chart-ah a No.1 a, he chart-a kar thum a No.1-na a ni ta. He chart hi kar khat chhunga khawvel huapa hla lar dan tehna niin, chart ranking siam nan hian official-only streams (subscription leh ad-supported audio leh video music services) leh download sales te chu tehna pawimawh a ni.
Miley ‘Flowers’ hi kar khat chhungin khawvel ram hrang hrang 200 chuangah stream maktaduai 185.6 leh sales 72,000 a la tling a, hei hi chart-ah a No.1 pui leh ta a ni. Heti hian ‘Flowers’ hi kar khat chhunga khawvel huapa stream nasat top 10-ah tum thum a lang ta a ni.
‘Flowers’ hla hi ngaihzawng nei lo mah se a hlim theih zia mai piah lamah a hlim zawk zia puan chhuahna hla a ni a, Miley hian a ‘ex’ Liam Hemsworth-a pianchamphaah tak a tichhuak lehnghal! Tunlai ‘single’ hla a hit thei riau a, Shakira-in a ‘ex’ a kahna Bizarrap leh Shakira ‘Bzrp Music Sessions, Vol. 53’ chu chart No.2 a la ni ve bawk.
SZA hla hit, chart No.1-ah pawh kar hnih lo lang tawh ‘Kill Bill’ chu No.3-ah bawk awm lehin, nikum October thlaah kar li chhung chart No.1 ni thei Sam Smith leh Kim Petras ‘Unholy’ chu No.5 atangin No.4-ah a insawn thar leh a, Rema leh Selena Gomez ‘Calm Down’ chu No.4 atangin No.5-ah a tawlh ta bawk.