Local Adminstration Department (LAD) secretariat leh directorate-a officer-te chu Thawhtanni khan an minister C Lalsawivunga hoin an thukhawm.
Minister chuan department hmalakna tura a hmathlir leh kalphung a duhdan a sawi a. Department hmasawnna tura theihtawp chhuaha lungrual taka hna thawh a pawimawh, tiin, LAD hnuaia thawkte chu thahnemngai taka thawhpui atan a sawm. Dan pangngaiah ministry chu kum 5 dan zela inthlak thin a ni a, officer-te chu nghet zawk an ni tih sawiin, thawktute chu politics thlichhia inchhem len tir lo turin a chah.
LAD director Rita Lalnunmawii Pachuau chuan powerpoint presentation hmangin LAD hnathawh leh mawhphurhna hrang hrang a sawi a. LAD hmalakna pawimawh zual – XV Finance Commission Grant, RGSA scheme leh hmalak zelna tur sawiho a ni.
Minister hoin LAD hotute thukhawm
