Mipa zawng zawngin an hmeichhe duh zawng te an duhna tihlan hi an thiam em em kher lo a, sawi chhuah te an hreh thin a, chuvangin i laka a rilru put hmang dik tak eng nge ni ang tih te i ngaihtuah fo ang. Mahse, mipa chu a taksa chetzia leh awmdan atangin a rilru thui tak a hriat theih a, a body language atangin hmeichhe tan mipain a duh leh duh loh che a hriat theih niin an sawi tlat mai.
1. Mipain a remchang apiangah i taksa a nawk emaw khawih emaw che a nih chuan a duh che tihna a ni thei. Mahse, a khawih dan che kha a ngeiawm leh tenawm lam a ni lo ang, i dar khawih theihna remchang te a zawng thiam riau ang a, in thuthonaah in khup a tawk fuh thei bik riau te a nih a, khawiah emaw in kalnaah inkaih theihna remchang a awmin a kai vat zel che emaw, a dar i dawm theih turin a insiam rem vat zel te a nih chuan a duh che tihna a ni ang.
2. A che lai deuh tlat thin em? Mipa hi a hmeichhe duh ruk deuh bulah chuan a nervous duh hle a, a che vel a eng emawti laih deuh hlek thin. A chet dan kha lo chik la, hriat a har lo ang. I awm ve laia a chesual fo emaw, a che lai fo emaw a nih chuan a duh ru che tihna a ni ang.
3. Hetia mipa an laih vel hian an kutin an taksa peng englai emaw khawih an ching thin a, i bulah mipain a tukkhum a khawih a khawih emaw, a nghawng vel te a tuai a tuai thin emaw a nih chuan, a lai a, inthup a tum a tihna a ni a, a duh ru che tihna a ni ang.
4. I bulah tawng sual a ching riau a, a thusawi lai te hriat hleih theih loh a ne ne ne liam deuh puat te a nei thin emaw, a thusawi awmze nei lo deuha tawp chang te a nei emaw a nih chuan a nervous a, a nervous-na chhan chu nangmah kha i ni tih i inhre mai dawn nia.
5. I bul hnaiah a awm thei riau em? Eng emaw tihkhawmnaah te i bul hnaiah a awm thei riau ang a, chutihrualin a en duh lo lui deuh ang che a hriatna pawh i nei thei ang. Khatiang kha a duh vang zawk che a ni.
6. A thut dan atang pawhin thui tak a hriat theih ang. A inep zawnga in thut changin a khupin i lam a rawn kawk fuh thei viau ang, tih a thutin a thu kak deuh bawk thin ang. Hei hi mipa te an hmeichhe duhzawng bula an thut thin dan a ni an ti tlat mai.
Mipa awmdan atanga a duh che tih hriat theih dan
