August 4 zan dar 6.45 vel khan Sairang Sihhmuiah scooter khalhtu in mi pahnih su hlumin pakhat a hliam bawk. Thudawn danin Pathianni zan inkhawm tura kal Thanngaia (79) leh Noel Lalhmingi (45) chu motor kawngpoi an chhuak chiah tihin Lalliansanga (20) Sairang Dawr Veng chuan a scooter khalh laiin a su a, an piaha lo ding Lalchhuanawma (45), Nghalchawm chu a su ve leh a ni. Thanngaia hi Civil Hospital Aizawl-a enkawl tura lak a ni a, hemi zan dar 11.45 velah a hliam tuar loin a thi. Lalchhuanawma hi Sairang PHC-ah lak a ni thung a, an thlenpui hnu lawkah a thi. Noel-i pawh hi damdawi inah enkawl niin, anmahni sutu ber Lalliansanga pawh hi hliamin damdawi inah enkawl mek a ni a, thubuai siamsak a ni.
Mipahnih su hlum
