Mizoram Information Service Association (MISA) chuan Zirtawpni khan annual conference an hmang.
Hmanpuitu Information & Public Relations minister Dr Vanlalthlana chuan mipui hriat tur thu pek chhuah bakah inlaichinna tha – public relations kengkawhtu an ni tel tih sawiin, sawrkar, mipui leh media-te inkarah inlaichinna tha a awm theih nan public relations nihna vawngnung zel turin a chah. Sawkar laipui leh corporate-te nena inlaichinna tha zawk a awm theih nan relationship manager siam kawngah ngaihtuahna sen tlan a tul tih a sawi a. Thawktu indaihlohna avanga harsatna tawhte sutkian tuma hma lak a nih thu a sawi bawk.
MIS officer-te chu tunlai thiamna chhuak thar leh tangkai tak takte chiang zawka hmelhriat a, hman tangkai zel tum turin a chah a. Allocation of Business-a lang department hmalakna tur 15-te tha taka kalpui a nih theih nan tan lak tlan a pawimawh, tiin, sawrkarin a ngaihpawimawh em em Sustainable Development Reform Policy (SDRP) leh sawrkar policy-te ngaihven tlang a, mipuiin an tangkaipui theih nan zau zawka puanzar kawngah ngaihtuahna seng turin a chah a ni.
Minister bakah hian I&PR secretary Teresy Vanlalhruaii leh I&PR director C Lalnunkima ten thu an sawi bawk.
Tun dinhmunah MIS cadre sanctioned post 36 awmah MIS lak thar 5 chhiar telin post 25 (69.44%) hnawhkhah a ni.
MIS officer-ten khawmpui hmang
