Mizoram Information Service 2024 batch chuan ‘District Office Orientation Program’ neiin Kolasibah ni hnih chhung an nei a. Ningani khan Extension Training Centre, SIRD&PR Kolasib an tlawh.
SIRD hnuaia ETC Kolasib hian kum 2023- 2024 chhung khan thupui hrang hrang hmangin training tum 14 an buatsaih a. Loneitute tih hmasawnna atan a hmunah an zirchiang thin a ni. Sawrkar laipui hnuaia centrally sponsored scheme ho tha tak a hman a nih theih nan sawrkara thawktute leh khawtlang hruaitute hnenah zirtirna an pe thin a; eizawnna ngelnghet nei tura thiamthil hmantlak an neih theih nan a mamawhtute hnenah ‘skill development training’ an buatsaih thin, tih te ETC principal ZR Thafala chuan a lo hrilh a ni.
MIS officer tharte hian Kolasib district an tlawh zawh hian Lunglei leh Champhai district-ah training an nei leh dawn a ni.
MIS officer tharte inzir zel
