Miss Mizoram 2026 chu a hmawr an bawk dawn hnai ta a, April ni 21 zan khan Dawrpui Multipurpose Hall-ah Sub Title Night hmangin Sub Title dawngtu mi pasarih puan an ni a, April ni 24 zana Grand Finale-ah Sub Title dang pathum dawngtu puan an ni leh ang.
Sub Title dawngtu zingah R. Lalhmingchhuangi, C. Lalthlamuanpuii, Vanlalhriati leh Elizabeth Laltluangkimi te hi open audition atanga Miss Mizoram 2026 finalist-a inhlangkai an ni a, C Vanlalnunpuii leh |hahleimawii te hi Champhai leh Lawngtlai District Miss Mizoram niin, audition ngai lova finalist a tlang nghal an ni a, Saitluangpuii Sailo hi Pachhung University College aiawh tel niin, audition ngai lova final round thleng nghal a ni bawk.
Grand Finale hi April ni 24 zanah R. Dengthuama Indoor Stadium-ah neih a ni dawn a, hetah hian Sub Title dang- Beauty With a Purpose (BWAP), Miss Multimedia (People’s Choice) leh Miss Personality te puan leh a ni dawn a, BWAP leh Miss Multimedia dawngtute chu direct-a top 10 tling nhgal tur an ni. Miss Multimedia hi social media lama an chet that dan atanga teh tur a ni.
Miss Mizoram 2026 Sub Title Night
