Miss Universe India 2024- Rhea Singha Roneihpuii top 20-ah a lang

Miss Universe India 2024- Rhea Singha
Roneihpuii top 20-ah a lang
Miss Universe thlannaa India aiawh tur thlanna Miss Universe India 2024 grand finale chu September ni 22, Pathianni zan khan Jaipur-ah neih a ni a, Gujarat nula, Rhea Singha, kum 18, chu winner niin, Mexico-a neih tur Miss Universe 2024 thlannaah India ai a awh dawn a, Miss Universe India 2024-a Mizoram aiawhtu Miss Universe Mizoram Roneihpuii chu top 20 finalist-ah langin, Miss Popular title a dawng bawk.
Kumin hian a vawi khat nan Miss Universe India grand finale hi YouTube-ah live-a tihchhuah a ni a, he beauty pageant hi kum 15 chhunga live-a an tihchhuah vawi khatna a ni. Tunhma chuan Femila Miss India-a pakhatna leh pahnihna te hi Miss Universe leh Miss World thlanna a India aiawh tura rin nghal an ni thin a, eng emawti lai atang khan Miss Universe thlanna a tel tur a hrangin an kalpui ta a ni. Kumin khan Glamand Group chuan Miss Universe India franchise hi Miss Universe Organisation hnen atanga leiin, MUI thlanna a vawi khatna’n an kalpui ve ta a ni.
Kumin hian mi 51 telin, Pranjal Priya chu 1st Runner-Up niin, Chhavi Verg chu 2nd Runner-Up niin, Sushmita Roy leh Ruopfuzhano Whiso te top 5-ah an lang bawk. Judging panel-ah Nikhil Anand, actress leh Miss Universe India 2015 Urvashi Rautela, Vitnamese star Nguyen Quynh, fashion photographer Rian Fernandes leh entrepreneur Rajeev Shrivastava te awm.