Mizoram Presbyterian Kohhran hnuaia hmarchhak huamchhunga missionary-a chhuakte leh an chhungte tana intuaitharna khawmpui huaihawt chu a tiak ta.
North East Region Missionary Retreat vawi 5-na hi July 11 atang khan Bawngkawn Presbyterian Kohhranah neih a ni a, Pathianni zan thleng a awh. Kumin retreat hi hmarchhak biala missionary-te leh an chhungte tana buatsaih a ni a, thupui atan “Chanchin Tha Hril” (Matthaia 28: 19 & 20) hman a ni.
July 11 khan retreat-a tel tur missionary-te hming pekluh hun hawn tan niin, July 12 nilengin missionary leh an kawppuite tan paper zirho buatsaih a ni. Chawhmaah Upa Dr C Lalhrekima buatsaih ‘Mental & Physical Health Awareness’ tih thupui zirho a ni a, chawhnu ah ‘Tunlai North East India-a rawngbawl dan tur’ tih thupui hmangin Aizawl Theological College-a thawk Rev Dr Lalrinkima buatsaih zirho a ni.
Inrinni nilengin testimony sawi leh fakna inkhawma hun hman a ni a; Inrinni zan atanga Pathianni chawhnu thleng retreat thupui “Chanchin Tha hril” tih then hrang hrang ngaihthlak a ni. Missionary thawk lai boral mi 4 sunna hun Pathianni chawhnuah hman a ni.
NE Region Missionary Retreat0ah hian North East field pasarih atangin Pathianni chawhma thleng khan missionary 710 inziaklut an awm a. An chhungte nena a thlengtu Bawngkawna riaklut zat hi 947 an ni. Missionary leh an chhungte retreat hmang tura rawn kal hi mi 1480 chhinchhiah an ni.
Missionary Retreat a tiak
