Sawrkarin zirtirtu siksawi a tum mekah a nawlpui siksawi huk loh chu Mizoram Secondary School Teachers Association (MISSTA) duhdan a ni tih an president C Lalremruata chuan a sawi.
Ningani khan MISSTA hian Aizawlah General Conference vawi 24-na an hmang a. MISSTA president C Lalremruata chuan an hmalakna thenkhat, sawrkarin transfer & posting a kalpui mekah a nawlpuia kalpui lo tur leh uluk taka zirchiang turte, senior tawhte phei chu zahsak tura an duh thu a sawi a. Zirna kawnga intehna ber, HSLC result nei tha turin school-te inelin, incho phur tawn zel turin a fuih.
Conference report-ah Mizoram School Education Service neih a nih theih nan bawhzui zel a nih thu, high school-ah zirtirtu post ruak hnawhkhat tura nawr zel thu, rualban lo naupangten HSLC an pass ve theih nan hma lak thu a tel a ni.
MISSTA General Conference-ah hian an member pension mi 62 an thlah a, member thi 6 an sun bawk.
MISSTA-in a nawlpuia zirtirtu siksawi loh duh
