A thau over (obesity) a, cancer natna te pawhin a tlakbuak tawh. Mahse, chung zawng zawng chu hnehin, bodybuilder a ni thei a, professional chef a ni bawk a, TikTok lamah a lang riau bawk. Wallace Wong chuan a resume a belh turin Guinness World Records title a nei thar leh ta- mit thuam chunga fanghma (cucumber) chan rang record a siam.
‘Six Pack Chef’ ti te pawhin a hminglem an phuah sak a, TikTok-ah pawh follower maktaduai 1.8 chuang a nei a, tunah chuan Guinness World Record a siam ta. Second 30 chhungin mit tuam chungin fanghma zailep (slice) rang ber record siamin 166 a zailep hman!
Wallace Wong hi Italy-a TV talent show Lo Show dei Record-h inlanin, second 30 chhunga mit tuam chunga fanghma zailep hnem record siam tumin a bei a, a hmain hetiang record hi siam an la awm ngai lo a, mahse, Wallace hian record siam tur chuan fanghma hi 100 tal a zailep hman a ngai niin Guinness chuan an guideline-ah an tarlang a, second 1-ah zailep 3 aia tam a tih hman a ngai tihna a nih chu.
Tichuan le, Wallance chu a han che ta tak tak a, second 30-ah fanghma zailep 166 a chhuah hman a, chu chu second khatah zailep 5 chuang tihna a ni ta! He record hi khum a har ve tawh khawp ang. Tunah chuan record dang pawh siam belh a tum a, second 30 chhunga mit tuam chunga carrot zailep hnem ber a melh leh tan tawh. He record dinglai hi Japanese Hirouyki Terada siam niin, second 30 chhungin carrot zailep 88 a nei hman a ni.
Mittuam chunga fanghma chan rang record siam
