Mizo journalist pahnihin
Emmy Award an dawng
National Academy of Television Arts & Sciences (NATAS) in News & Documentary Emmy Awards vawi 46-na a buatsaiha ‘Short Form category’ ah Mizo journalist pahnih – HC Vanlalruata leh Isaac Zoramsanga an lang.
New York City Palladium Times Square-a sem chhuah kumin Emmy Awards-ah hian ‘Myanmar’s Civil War’ tih thupui hmanga BBC-in a buatsaih short-form documentary-ah hian Mizo journalist pahnih hian ‘Outstanding Continuing News Coverage’ an dawng a ni.
Mizo journalist pahnih hi BBC tana project-ah hian field producer hna an thawk a. Myanmar chhim lam Chin State-ah ni 10 chhung reporting mission an neih chhungin, ground-level support an thawk a. An hnathawh hian BBC team-in hmun ril leh thuk zawk, tualchhung sipai leh Myanmar sawrkar sipai inkahna hmun leh tualchhung sipai inbunna hmun an luhchilh theih phah a ni.
Award dawngtu Mizo journalist pahnih hi All India Radio Aizawl-ah editor hna thawk ve ve lai an ni a. Phai lam news agency hrang hrangah Mizorama chanchin thleng thawn thintu an ni bawk.
Mizo journalist pahnihin Emmy Award an dawng
