Mizo nu in farmer award dawng
India ram pum huapa lo neih lama thawktu chhuanawm leh tha chawimawina chu Mizo nu hnenah hlan a ni.
Aspee LM Patel Farmer of the Year Award 2022 chu Lalrinpuii w/o Jacob-a, Saikhamakawn CP Road chuan a dawng a. A dawnna hi woman farmer category – An Enterprising Woman Farmer in Vegetable Cultivation from North East Region a ni. Award hi Lok Sabha MP Shashank Mani Tripathi chuan a hlan.
Award dawngtu Lalrinpuii hi kum 2018 atang khan Mizoram Horticulture department hnuaiah training neiin, off season tomato a ching tan a, hlawhtling chho zelin award pathum – Best State Farmer Award 2020-21, Best Horticulture Farmer Award (Aizawl District) 2022 leh District Millionaire Farmer of India Award 2023 a dawng tawh.
Tun tuma he award dawng tur hian Horticulture deparment hian hma lakpuiin, a nominate a. Award dawng tur hi India ram puma kuthnathawk tithate atanga thlan thin a ni. Uluk taka endik niin, preliminary stage zawhah nomination scrutiny paltlang lehin, Mumbai atangin a hmunah anmahni rawn kalin, kawng hrang hranga a hmalak dan enfiah a nih hnuah committee vawi 4 paltlang lehin award dawng thei tur hian thlan a ni.
He award hi Aspee Agricultural Research and Development Foundation Mumbai-in kumtin a hlan thin a. Covid-19 len hnua a sem leh hmasak ber a ni. India ram puma kuthnathawk tithate chawimawina atana buatsaih a ni.
Farmer of the Year Award hi category thum – Horticulture, Winter Farming leh Woman Farmer Category – 2022 atan – An Enterprising Woman Farmer in Vegetable Cultivation from North East Region pek thin a ni.
Heng category hrang hrang hi state pali – Karanataka, Gujarat, Mizoram leh Assam-a kuthnawktuten an dawng a. Lalrinpuii award dawnpui tur hian Horticulture department chuan ADHO Aizawl Lalsangkimi a tir a ni.
Mizo nu in farmer award dawng
