Art & Culture Department leh Mizo Academy of Letters Aizawl tangdun buatsaih Mizo Tawng Zirhona Seminar 2023 chu Aizawlah hman a ni.
Technical session-ah Rozama Chawngthu paper buatsaih ‘Mizo tawng kalphung leh nihphung’ tih leh, MAL asst. secretary Dr Darchuailova Renthlei paper buatsaih ‘Mizo tawng kauchheh leh ziak dan dik’ tih thupui zirho a ni.
He hun hmanpuitu Art & Culture minister R Lalzirliana chuan mithiam kokhawma Mizo tawng zirhona siam a ni chu a hlawkthlak a beisei tih a sawi a. MAL-in Mizo tawng humhalh kawngah leh kan tawngin hma a sawn zel theih nana hma an lo lak tawhnaah lawmthu a hrilh.
Kan missionary hmasate zarah A Aw B (Mizo script) kan nei thei chu kan tawng humhalhna kawngah a pawimawh hle tih a sawi a. Tawng tipuitlingtu a ziak (script) neih loh chuan, eng ang tawng upa leh hman nasat pawh ni se, humhalh a har hle tih a sawi.
“Tawng chu danglam reng a ni a, thumal thar lo piang te, tawng dang atanga senglut te a awm ve reng a, chutihrual chuan thumal thenkhat hman zui loh leh thlauhthlak a awm thin bawk,” tiin, Mizo tawng a hausak deuh deuh theih nan engtin nge hma kan lak zel ang, tih ngaihtuah a that a ring tih a sawi bawk.
Mizo tawng kalphung zir
