Tribal Research Institute, Art & Culture department buatsaihin Zirtawpni khan Aizawlah ‘Mizo tualzal nun – hman leh tun’ tih thupui hmangin seminar neih a ni.
Seminar hawngtu Art & Culture director Carol VLMS Dawngkimi chuan Mizo pipute nun dan tha leh mawi hriat leh chhawmnun chu hnam hmasawnna zel kan nihnaah kan tih tur a ni, tiin, “Kan nihna dik tak kan hnam ziarang tha leh hlu hi kan hmel pholangtu a nih avangin kan hrechiang hle tur a ni,” a ti.
Prof RL Thanmawia buastaih ‘Mizo tualzal nun – hmanlai’ tih leh Prof Malsawmliana buatsaih ‘Mizo tualzal nun – tunlai’ tih thupui chu an sawifiah a, zirho a ni.
Seminar-ah hian Govt. Mizo High School zirlaite, Govt. Aizawl College-a post graduate zirlaite, IMFA-a Dance & Music zirlaite bakah Mizo Academy of Letters atangin an tel a ni.
Mizo tualzal nun zirho
