Mizoram chinah gas pipe
line km. 28 phumfel tawh
Tripura atanga pipe hmanga Mizoram-in gas a lakluhna turah Mizoram chinah km 28 vel a pipe hi phum fel tawh a ni. A vaiin Mizoram chhunga an pipe phum tur hi km. 104 a ni.
Food, Civil Supplies & Consumer Affairs minister B Lalchhanzova hoin North East Gas Grid (NEGG) hnuaia Tripura atanga Mizorama gas pipeline phum meka thlen chin leh hnathawh tawh thlirletin Thawhlehni khan thutkhawm a ni a. FCS&CA leh pipe phumtu Indradhanush Gas Grid Limited (IGGL) hotute an tel.
Gas pipeline hi Panisagar Tripura atanga Sihhmui Mizoram thlenga phum tur a ni a. Tripura huamchhungah km.15 phum tur niin, Mizoram chhungah km. 104 phum tur a ni. Tunah hian Mizoram lamah km.28 vel phum tawh niin, he hna hi tha taka zawh a, a ranglama zawh a nih theihnan Mizoram sawrkar chuan theihtawp a chhuah a, chutiangin IGGL pawhin hma a la a ni.
Minister chuan IGGL hnena kartin report pe tura a dil anga an pek thin avangin lawmthu a hrilh a. Chutih rualin pipeline phum hna hi a duh angin an thawk chak tawk lo, tiin, hei aia chaka hna thawh a nih theihnan an hotute lam pawh a dawr dawn tih a sawi.
FCS&CA hotute pawhin gas pipeline phum hna hi chak leh rintlak lehzuala thawh a nih theihnan a hmuna enpui turin an rel.
Mizoram chinah gas pipe line km. 28 phumfel tawh
