Planning & Programme Implementation department buatsaih Mizoram Grand Challenge chu Nilaini khan a hmawr bawk niin lawmman sem a ni.
Mizoram Grand Challenge hi thil thar inthlensiak (innovation competition) a ni a. Team anga tel theih niin, mi zawng zawng tana hawn a ni. Open category leh college category-a then a ni a. Team tin hian challenge area thlan sa 8 atangin an duh ber an thlang leh thei. Chu’ngte chu – agriculture, handloom & handicraft development, tourism development, urban & infrastructure, education, health, environment leh climate change a ni.
An area thlante an zirchian theuh hnuah a chinfel dan tur ruahmanna an siam chu mithiam hrang hrang hmaah phochhuakin, category tin atangin a titha zual pali theuh thlan an ni.
Team 28 atangin mi 112 an tel a. 2025 March 19 khan orientation leh mentoring hun hman niin, kumin April 28 khan team 19-in demo round an nei a, category tina a tithate lawmman hlan a ni. Pakhatna hian Rs. 100000, pahnihna Rs. 70000, pathumna Rs. 50000, palina Rs. 30000 a keng.
Mizoram Grand Challenge-a lawmman latute –
Open category:
Kut Hnathawktute Thian Haulawng – soil amendment and marketing of ginger
CT Institute – integrated lifetime and nutrition system
Mizo Farm Solutions – establishment of post-harvest infrastructure
KWS – app based tracking, collection and recycling of waste
College category:
Blue Hills, Govt. Zirtiri RSC – Mizoram Digital Tourism Eco System
Innovisionaries, PU College – Project Cleanest City 2030
The 7 Auroras, Govt. Saitual College – Progressive Web App
GHBC Team 1, Govt. Hrangbana College – Embracing Sustainability in Tourism)
Mizoram Grand Challenge hmawr bawk
