Mizoram Muaythai team chetha
January ni 23-25 chhunga Telangana, Hyderabad-a khelh zawh tak 7th Senior National Muaythai Championship 2026-ah Mizoram team-in gold medal panga, silver pathum leh bronze medal pali lain championship an khar.
7th UMAI Senior National Championship 2026 hmachhawn tur hian Mizoram Muaythai Association (MAM) chuan fighter 11 leh anmahni tawiawmtu official mi pathum tirin, result duhawm tak an rawn hawn.
Fighter 11 zing atanga 10 zetin medal an la thei a, inhliam avangin fighter pakhat hian medal a la ta lo.
MAM president Johny Ngurthansanga chuan The Aizawl Post zawhna chhangin, “Team official leh kan fighter-te ka chhuang takzet. Training-na tur hmunhma tha lehzual nei thei phei ila chuan hei aia tam fighter hi kan tir chhuak theiin ka ring, medal pawh kan hawn tam lehzual ngei a rinawm.
“Kan thlen chinah hian kan lawm tlang hle a, Pathian chungah kan tawngtainate min chhan avangin lawm tak ka ni,” tih a sawi.
Team enkawltu leh kaihruaitu zinga mi coach Lalchhuanawma pawhin, “Kan thlen chinah kan lawm hle. Kan inbuatsaihna that kan chhawr a, hei aia nasa zawk hian hma kan la sauh sauh ang,” tiin The Aizawl Post palai a hrilh ve bawk.
Mizoram team result
GOLD
Isaac Lalchhuanmawia 71Kg (U-23) Chanmari
Vanlaldingngheta 71kg (Senior) Khatla East
Jonathan Zomuanpuia 45Ks (Senior) Tuithiang
C. Lalmalsawma 51Kg (U-23) Edenthar
SILVER
Paul HD Lalruatkima 57Kg (Senior) Selesih
Joseph Vanlalhruaia (injury) 48Kg (Senior) Phuaibuang
Lalrinhlua 60Kg (Senior) Kolasib
BRONZE
RC Rohlupuia (injury) 75Kg (U-23) Dinthar
Lalngaihawma 54Kg (Senior) Hunthar
Ngurlianzuala Sailo 86Kg (Senior) Chawlhmun
WAIKRU
Ngurlianzuala Sailo Chawlhmun Gold
Zomuanpuia Tuithiang Bronze
Vanlalhmuaka – Manager Kulikawn
Liansangpuii – Asst.Manager/R&J Hunthar Veng
Lalchhuanawma – Coach Zemabawk