Mizoram sa ngah ber chu arsa

Sa chi hrang hrangah Mizoramina a ngah ber chu arsa a ni a, kum thum chhung chu arsa hi a tam ber a ni tawh.
A hma chuan Mizoram sa ngah ber hi vawksa a ni a, mahse ASF hrilen hnuah vawksa hi a tam ber a ni ta lo.
Mizoram Economic Survey bu thar 2023-24 chhunga Mizoramin sa a thar zat tarlan a ni a, sa hrang hrang ton 16742 a thar zinga ton 6443 chu arsa niin, 38% a tling.
Arsa dawttu chu vawksa a ni a, ton 5171 niin, 31% a ni a, bawngsa ton 4630 (28%), kelsa ton 229 (19%), lawisa ton 156 leh sesa ton 113 a awm bawk.
2020-21 khan Mizoramina sa a ngah ber chu vawksa a ni a, ton 6054 a nei. Khami kum khan arsa hi ton 4155 a nei.
2021-ah Mizoramah African Swine Fever (ASF) hri a leng a, hemi hnu hian a hma aiin vawksa a tlem ta; Vawksa tam lam pawh 2021-22 khan ton 4806-ah a tla a, a hma kumah ton 6054 a nei. 2022-23 khan vawksa hi ton 4886 a awm a, 2023-24 khan ton 5171-ah a pung leh.
Vawksa a tam ta lo deuh na a, Mizoram sa thar chhuah zat chu kum li chhungin a pung; 2020-21 khan sa chi hrang hrang ton 15110 a awm a, 2021-22 khan ton 14850, 2022-23 khan ton 15528, 2023-24 khanton 16742 a awm.