Nimin, Nilaini atang khan Ramhlun Boxing Hall-ah KC TVS 19th Mizoram State Muaythai Championship 2023 khelh tan niin, Zirtawpniah an zo ang.
Ni li chhung awh tur he championship-a tel tumte tun Thawhlehni khan Edenthara Muaythai Training Centre leh Ramhlun Boxing Hall-ah an inbuk a, nimin atang khan bout tan a ni.
Championship hawnnaa khuallian John |anpuia, Secretary, Mizoram State Sports Council chuan thu sawiin, “Game thang-duang tak leh hmuhnawm bawk si, Mizote khelh chi tak mai muaythai hmanga inelna lian buatsaih a ni leh thei ta hi a lawmawm takzet a; infiamna hian a tum bul pakhat chu hriselna a ni a, tumruhna leh chhelna bakah taimakna kan neih a ngai a, ram tihmingthatu ni zel thei turin muaythai game hi lo thang zel se, championship kheltute pawhin hlawhtlina sang zawk an chan zel theihna’n duhsakna ka hlan e,” tiin championship a hawng.
KC TVS 19th Mizoram State Muaythai Championship hawnna inkhawm hi Muaythai Association of Mizoram presi-dent Brian Lalnunhlima’n a kaihruai a; report petu an pawl general secretary Vanlal-awmpuia chuan, “Tun tum hian kawng chhiat vang te, naupang sikul exam hnaih tawh vang leh chhan hrang hrang avangin player kan tir tamthei lo a,” tiin player tel zawng zawng 82 an nih thu leh weight category hrang hrangah IFMA dan anga cham-pionship kalpui a nih thu te, mimal lawmman leh trophy tha tak sem a nih dawn thu a sawi.
Mizoram State Muaythai Championship
