Mizoram Synod chuan Mizoram Universal Health Care Scheme (MUHCS) a zawm fel a. Kumin November 1 atangin a hnuaia damdawi in pahnih – Synod Hospital Durtlang leh John Williams Hospital Lungleiah hman tan a ni ang.Mizoram Synod chuan Mizoram Universal Health Care Scheme (MUHCS) a zawm fel a. Kumin November 1 atangin a hnuaia damdawi in pahnih – Synod Hospital Durtlang leh John Williams Hospital Lungleiah hman tan a ni ang.
Kumin September 24 & 25 Synod Executive Committee vawi 314-na chuan MUHCS zawm hi a remti a. Hemi atana thil tul leh pawimawh bawhzuiin, tih fel ngai tih fel a nih hnuah Thawhlehni khan Mizoram sawrkar leh Mizoram Synod aiawh chuan thawhdunna tur thuthlung (MoA) an ziak a ni.
MoA-ah hian Mizoram Synod aiawhin moderator Rev RC Lalnghakliana’n hming a ziahhnan a, sawrkar aiawhin Mizoram State Health Care Society chief executive officer Dr Lalhriatzuali Ralte in hming a ziahhnan a ni.
Synod moderator chuan, hun rei tak indawrna a kal hnuah hetianga inremna thuthlung an ziak thei ta chu lawmawm a tih thu a sawi a. Mipuiin tangkai taka an hman ngei a beisei tih a sawi a ni.
Heti hian MUHCS hi Mizorama kohhran damdawi in lian pahnih – Mizoram Presbyterian Kohhran enkawl Synod Hospital Durtlang leh Mizoram Baptist Kohhran enkawl Christian Hospital Serkawn Lunglei chuan a zawm tawh a. Sawrkar damdawi in ni lo, damdawi in lian awmna dang – Lawngtlai leh Siaha district-a damdawi in pawhin an zawm tawh a ni.
Tun thlengin Mizoram chhungah sawrkar damdawi in ni lo, kohhran leh mimal enkawl damdawi in 13-in MUHCS an zawm dawn ta a ni.
Mizoram Synod-in MUHCS a zawm
