Mizorama dan leh hrai
kenkawh dan a fakawm
– Union MoS
Zan khat riakin Union minister of state (independent charge) for Planning, Statistics and Programme Implementation leh minister of state for Culture Rao Inderjit Singh chuan Mizoram a rawn tlawh a. Thawhlehni khan Aizawlah aspirational district – Mamita hmasawnna hna kalpui dan official-te a thlirlet pui hnu ah Nilaini khan Hnahthialah kalin an district-a central scheme kalpui dan a enpui leh.
Hnahthialah hian district bawrhsap K Vanlalruati district official-ten an lo dawngsawng a. Hnahthial district chang ni lo, Mizoram chu dan leh hrai kenkawh kawngah fakawm a tih thu leh India ram chhunga state ralmuang berte zing ami a ni chu fakawm a tih thu a sawi.
Hnahthial district-a central schemes kalpui dan hriatchian chu a kal chhan a ni, tiin, Hnahthial district bakah Mizoram pum tih hmasawn chu an tum ber a ni a. Central schemes hman a nih dan leh puih an mamawhna lai hriatchian chu thil pawimawh tak a ni tih a sawi a ni.
Central scheme hmanga Hnahthial district-in hma a sawn chuan, Mizoram pawhin hma a sawn belh anga, North East pumpuiin hma a sawn chuan India chu ram changkang leh intodelh tak a ni thei dawn tih a sawi bawk.
Mizorama dan leh hrai kenkawh dan a fakawm – Union MoS
