Mizoramah Red Cross
Society tharthawh leh
Indian Red Cross Society (IRCS) Mizoram State Branch president, larsap General Vijay Kumar Singh (Retd) chuan Ningani khan Govt. Aizawl College, Mualpuiah IRCS Mizoram State Branch tharthawhna hun hmanpuiin hmalakna tur duan a tlangzarh.
Mizorama Youth Red Cross Unit din hmasa ber Govt. Aizawl College leh a pahnihna Govt. T Romana College hnenah institutional membership certificate a hlan bakah IRCS Mizoram State Branch hruaitu 7 hnenah life membership certificate a hlan bawk.
IRCS Mizoram State Branch tharthawh a ni chu mahni mihring puite tana rawngbawl kawnga hmalakna awmze nei leh intuaitharna a ni tih a sawi a. Mizoram chu tlawmngai pawl chak leh viak tha tak tak awmna a ni, tiin, “Phut let nei loa midang puih duhna thinlung hi Mizo nuna bet tlat a ni a. Midang rawngbawl sak kawnga khawvela pawl hriat hlawh leh awmze nei taka kalpui IRCS kan neih belh hmang hian rawngbawlna kan tichak lehzual thei dawn a ni,” a ti.
Programme hman zawh hian Mizorama Youth Red Cross Unit ding hmasa ber, Govt. Aizawl College Youth Red Cross Unit member-te tana buatsaih, basic life support leh first aid training session neih zui a ni.
Mizoramah Red CrossSociety tharthawh leh
