MJA member-te’n J&K zir
Press Information Bureau (PIB) buatsaih press tour-a thang mek Mizoram Journalists’ Association member-te chuan February 16 khan Srinagar Jammu & Kashmir-ah CSB – Central Sericulture Research & Training, Pampore an tlawh a; February 17-ah Handloom and Handicraft department director an kawm.
CSB – CSRTI-ah hian director Dr Sakthivel N leh hotu dangten MJA member-te hi an lo dawngsawngin an inkawm a, zawhna an neihte chhangin, museum leh mulberry hmun an fanpui a ni.
February 16 vek khan Srinagar-a PIB Regional Office an tlawh a, director (M&C) Qazi Mohammad Salman Ibrahim leh officer dangte nen an inkawm.
February 17 khan Jammu & Kashmir-a Handloom and Handicrafts department director Mussarat Ul Islam an kawm a. Director hian an department hmalakna hrilhin, J&K chu puantah leh thiamhnang kaihhnawihah an sang tih a sawi. Zawhna chhangin, J&K chu state a nih lai aiin UT a nih hnuah sawrkar laipui atangin duhsakna leh hmasawnna project an dawng nasa zawka a hriat thu a sawi a ni.
Thawhlehni vek khan MJA member-te hian Srinagar-a Indian Institute of Carpet Technology an tlawh a; director Zubair Ahmad Mir nen an inkawm bakah kutlawnga carpet an siamna hmun leh an siam lai an en a ni. Srinagar-ah vek Pashmina Testing and Quality Certificate Centre leh Craft Development Institute an tlawh a; thawktuten an hnathawhna hmun fanpuiin an lo hrilfiah a ni.
MJA member-te’n J&K zir
