MNF-in kan ram buaina
tur an buaipui char char
– Lalduhoma
MNF party-in kan ram felna tur ni lo, kan buaina tur an buaipui char char tih chief minister Lalduhoma chuan a sawi a. Tuna total bandh siam an tum pawh thil nuihzatthlak tak a ni tih a sawi.
Thawhtannia Reiek-a Dampa East Block Campaign khuhhawn a hmanpuinaah Lalduhoma chuan, Congress sawrkarin Forest Rights Act an lo pawm tawh leh kalpui tawh chu kum 2019 khan MNF ministry chuan a paih a, he act hi a pawimawh avangin an sawrkar hnuah nikum khan an tinung leh tih a sawi.
“He act hnuaiah hian mipui leh kan ram a him dawn a, chutiang chiah chuan FCAA pawh ram neitu leh ram a him zawkna tur a ni. MNF hian kan ram felna tur ni lo kan buaina tur an buaipui char char a, total bandh hial siam an tum hi thil nuihzatthlak tak a ni,” a ti.
MNF-in kan ram buaina tur an buaipui char char – Lalduhoma
