Tunhnaia MNF Thalai-in Vairengte chhehvela kuhva rah ro dahna an tlawh chu lawmawm an tih thu ZPM Thalai chuan an sawi
ZPM Thalai Hqrs. thuchhuak chuan, MNF ministry-ah Home minister meuhin Assembly Session-ah kuhva tawlhrukna atan GST phuahchawp an siam thu leh, kuhva tawlhruknaah MNF ministry-in an mit an siai thu a sawi kha mipuiin an la theihnghilh lo tih sawiin, ‘MNF ministry-a kuhva phurh rukna atana kuhva tawlhten khaw kar kawng hmun hrang hranga motor kawngpui an sialte hi an duh phawt chuan kan tlawhpui thei reng a ni,’ a ti.
Kuhva tawlhruk chungchang CBI-in an chhui tur pawh a lawmawm tih a sawi a. Mahni ngumkhak hmu loa, rem leh remlo pawh thlu loa ram leh hnam leh a chhunga cheng mipui hmangaih der thut thin chu thliarhrang thiam zel turin mipui an chah tih a sawi.
MZP president hlui, MNF Thalai hruaitu ni ta chu MZP president a nih lai khan kuhva tawlhruk chungchang hi lo vei tawh ni se, Hachhek tlangdunga kuhva chingtuten an kuhva rah hralhna kawnga harsatna an tawh thin chu a hmunah lo zuk tlawh se, mipui pawhin tun tuma an kal chhan hi an fak viau an ring tih ZPM Thalai thuchhuah hian a sawi.
MNF Thalaiin kuhva dahna an tlawh kha a lawmawm – ZPM Thalai
