Lok Sabha MP Richard Vanlalhmangaiha leh Rajya Sabha MP K Vanlalvena te kaihhruaiin Nilaini khan District Level Committee on Sansad Adarsh Gram Yojana (SAGY) Phase IV, Muallungthu khua leh Phase V, Ratu khua an thukhawm. Heng khua – model village pahniha hmasawnna hnathawh tur duanlawk tawh ‘Village Development Plan’ bawhzui dan leh tun dinhmun sawiho a ni.
Ratu hi Rajya Sabha MP K Vanlalvena’n ‘model village’ a thlan zing ami a ni a. Hmasawnna hna hrang hrang 32 chu department 10 chuangin an thawh tur Village Development Plan (VDP) hnuaiah hian dah niin, chu’ng zinga 18 chu zawh tawh a ni.
Muallungthu hi Lok Sabha MP hmasa C Lalrosanga’n ‘model village’ atana a thlan zing ami a ni a. VDP hnuaia hnathawh tur 50 chuang duan atangin zaa 71 zawh tawh a ni.
Thutkhawmah hian MP-te hian hnathawh hmabak la awm chu a ranglama bawhzui turin department aiawhte chu an chah a. Hnathawh zawh tawh a nih chuan report pek thuai thin a pawimawh tih sawi a ni.
SAGY hmalakna hnuaiah hian MP-ten model village atan an duh khua an thlang thin a. Chu’ng model village-ah chuan khawtlang mamawh leh tul sawihoin, VDP duan a ni. Chu plan chu tihlawhtling turin line department hrang hrang thawhhona hnuaiah bawhzui a ni.
Model village-a hmalakna sawiho
