Indian Prime Minister Narendra Modi-a leh New Zealand Prime Minister Christopher Luxon-a te chuan India-in New Delhi eh Asia Pacific biala inlaichinna tihchak tuma a beihnaah Inrinni khan ram pahnihte inzawmna tihchangtlunna tur an siam.
Hruaitute hi Auckland-a an inbiaknaah ram pahnih inlaichinna chu ‘strategic partnership’ huangah an kaipui a, hei hian ram pahnihte ‘mipui rorelna ram hlutna inpek tawn, mi chengte inpawhna thuk zawk siam leh Indo-Pacific-a thil thlengte inhrilh tawn’ te a lantir tih thuchhuah an siamah an tar lang.
Indonesia leh Australia nena thawhhona tur an ziah hnuah Modi-a hian Zirtawpni khan khan New Zealand hi a thleng a, Inrinni zan khan Auckland arena-ah Indian awmte hmaah thu a sawi tih sorkar broadcaster Radio New Zealand chuan a tar lang.
Kum 40 chhunga Indian prime minister-in New Zealand a tlawh hmasak ber hi New Zealand-a Indian duh lohna rilru pung zel leh a rorel lai pawla buaina chhuak vang a ni —ram pahnihte inkara free-trade agreement an siam vang a ni.
Ram pahnihte hian ram venhimna lamah pawh an inhnaih hle a, thawhhona tur ruahmanna an ziak a, tuipuia himna chungchangah thawhhona nasa zawk an tiam a, hei hian Indo-Pacific-a ngialnghehna a awm theihna tura hma lak dunna tur a huam tih tar lan a ni.
New Zealand-ah hian Indian an pem nasat avangin vantlangah inhnialna a siam mek a, Indian New Zealander-te chuan chi inthliarna a nasa mek zel tih an sawi karah politician tam tak, New Zealand First party-a an hruaitu, Winston Peters-a pawh an rama pem theih dan chu khauh zawka kalpui a tul thu an sawi a. Kum 2023-a chhiarpuiah New Zealand-a mi maktaduai 5.3 zinga 292,000 vel chu Indian an nih thu an sawi.
Modi-a leh New Zealand PM-in inpawhna tur siam
