Modi-a’n Kuwait ram tlawh dawn
Prime minister Narendra Modi chuan naktuk, ni 21 leh 22 December hian Kuwait ram a tlawh dawn a, hei hi Kuwait Emir Sheikh Meshal Al-Ahmad Al-Jaber Al-Sabah sawmna tihhlawhtlinna a ni.
External Affairs ministry chuan kum 43 hnua India PM in Kuwait ram a tlawh leh hmasak berna tur a ni dawn tih a sawi bawk.
PM in Kuwait a tlawh chhung hian ram pahnih hruaitute chuan thawhhona tur hrang hrang an sawidun dawn nia tarlan a ni a, tin Modi-a hian Kuwait-a India mi leh sa awmte kawmna hun a nei dawn bawk a ni.
Tun hnai khan Kuwait foreign minister Abdullah Ali Al-Yahya chuan India rawn tlawhin, External Affairs minister S. Jaishankar nen inkawmna an lo nei tawh a, tunah hruaitu lu ber ten an neih chhunzawm veleh nghal dawn a ni.
India leh Kuwait hian an ram mipuiten inzawmna nghet an neih tawn theih nan bakah, economy lama an inpuih tawn theihna tur an sawi ber rin a ni a, an thu ngaihtuah tur tlangpuite hi la tarlan a ni lo thung.
Modi-a’n Kuwait ram tlawh dawn
