G-20 leaders tena Delhi Declaration an puanchhuah hnuah Congress leaders te chuan Narendra Modi sorkar chu declaration a paragraph thenkhata thudah kaihhnawihah na takin an sawisel.
Hei hi self-style Vishwaguru hypocrisy turu tak tarlanna a ni. Global level angin G20 declaration para 78 chuan sakhua leh cultural diversity zaha inbiakna leh dawhtheihna lantir a intiam a. Mahse, India ramah chuan Modi hian Manipur a ethnic violence-ah chet la duh lovin tun thlengin tlawh pawh a la tlawh lo” tiin Congress’ communication chief Jairam Ramesh chuan a sawi a.
“Hate speech, lynching, targetted killing bakah skhaw hmun thianghlim beihah ngawih a la chuh reng a. A party leh a telna hmun tin te chuan awmze nei takin Harayna leh Uttarakhand ah te chuan inthen hranna awm theih nan hma lain he ram social fabric hi an tichhe zel a ni,” tiin Ramesh chuan a sawi bawk a.
Congress leader chuan Prime Minister Narendra Modi ‘global talk’ neih chu G-20 summit neiha environment chungchang a sawiah ‘local’ thil nena inkalh tlat a ni a ti bawk a.
Modi sorkar chu India environmental protection tichhe vektu tia sawi bawkin ram ngawa innghat vulnerable comminuty te rights laksak vekah a puh bawk.
“G20 leh khawvel huap summit dang danga PM thusawi te chu that derna mai a ni. India forest leh biodiversity te a tichhiat mek laiin leh Adivasi leh forest-dwelling community te rights a chhuhsak mek laiin environment, climate action leh equity chungchang te a sawi thung a. A ‘global talk’ hi a ‘local walk’ nen a inkalh tlat” tiin a sawi.
Congress leader leh Lok Sabha MP Manish Tiwari pawhin eng vangin nge G-20 chuan Ukraine runna chu an dem loh tiin zawhna a siam bawk.
Modi hmai hnih neiah Congress ten puh
