Mizoram State Project Monitoring Committee chuan Civil Hopital Aizawla Cardiology department tihchangtlunna, MINECO-a AYUSH Development Centre din leh Khatlaa Veterinary Information & Resource Centre ruahman hna kal mek chu Thawhlehni khan an vice chairman R Lal Rinawma, IRS (Rtd.) hoin an endik.
Cardiology department tih changtlunna turah hna tan a nih theihnan insuan mai na tur hmun awl remchang a awm loh avanga hnathawh kawnga harsatna an tawh leh sawrkar atanga sum pekchhuah har avanga harsatna an tawh sutkian dan tur sawiho a ni.
AYUSH Development Centre building hi chhawng 4-a sak tum a ni a. MSPMC Team hian duan lawk anga sak a ni em tih an endik. NEC fund nuai 264.16 senga sak niin, a hna hi zaa 50 zawh tawh a ni. Ruahman anga a puitlin theih nan hmalak zui dan tur chu nodal & implementing department hotute leh contractor-te an sawipui.
Veterinary Information & Resource Centre building hi NEC Fund nuai 339.25 senga sak niin, a hna zaa 35 zawh tawh a ni a, September 2025-a zawh tum a ni. He building sak hna mek hi tha tak leh chak taka a kal theihnan hmalak chhunzawm dan tur nodal & implementing department hotute leh contractor-te an sawipui bawk.
Monitoring Team-in hna enfiah
