Shiv Sena MP Sanjay Raut chuan party te zawkte chu Maharashtra inthlan lo awm tur atana party inhlawmkhawmna lian ber Maha Vikas Aghadi(MVA) a tel ve turin a sawm a, an tan hmun a awm reng thu a sawi.
MVA ah hian Samajwadi party, CPI leh CPI(M) te chu awmkhawmin, an thawm pawh a lian hle a, MVA ang hian lok sabha inthlanah pawh lo thawkho tawhin, Raut hian party tenau deuhte pawh seat pe thei tura an insiam rem theih reng thu a sawi a ni.
Maharashtra hian assembly election an hmachhawn thuai dawn a, hemi atan hian party hrang hrangte pawhin beihpui chhuah zelin, nilaini khan MVA a tel party te chuan party tenau zawkte chu inbiakna a neihpui a, an tan MVA ah kawng a inhawn reng thu hrilh hlawmin, insiam rema seat pek tel ve thlenga an inhuam thu an hrilh.
Raut chuan BJP lian zel tur ven nan leh an lal ram thiat turin tanho a ngaih nasat thu a sawi a, Lok Sabha election-ah MVA anga lungrual taka an lo tanho tawh thu leh a hlawhtlin hle thu sawiin, assembly inthlan an hmachhawn leh thuai dawn avangin party tenau deuhte chu tanhopuiah a sawm a ni.
MP in tanho puiah party tenau deuhte sawm
