Bengaluru sorkar chuan an ram chhunga Mpox laka him nan international airport-ah Mpox screening uluk takin an kalpui tan a, Airport Health Orgnasition (APH) thuchhuah zulzuia kalpui an nih thu an sawi.
He thuchhuah awm hnu atang hian uluk leh zualin Bengaluru’s Kempegowda International Airport (KIA) chuan uluk leh zualin Mpox test hi an kalpui a, ramdang atanga lo thlawk lutte endikna an thawk ngawrh hle.
Airport thuneitute chuan, “Hetiang thil hi kan tihmakmawh a ni rih si a, zin veivakten min hrethiam rih se kan duh hle. Tunah hian harsa engemaw thleng palh thei lakah pawh kan inbuatsaih tha hle a, isolation zone thlenga siam niin, kan hriselna leh himna atan dan zawm hi i ngai pawimawh hram hram ang u. Kan theihna sang ber hmanga he hri leng hi do hneh turin i tang tlang hram hram ang u,” an ti.
Tuna an kalpui tum dan an sawi danin, covid hri len lai ang deuh khan Mpox vei nia rinhlelhte chu an hriselna endik a ni hma phawt ang a, rinhleh hmuhchhuah an awm chuan ni 21 chhung khung hran tur niin, hemi chhung hian an hriselna leh inenkawlna uluk tak kalpui a ni dawn a ni.
Mpox inven nan international airport-ah endikna kalpui
