Remington-in hmeichhe zinga poll an buatsaih atanga a landanin ‘Mr Perfect’ hi an lo awm tak tak lo a tih theih hial awm e. Hmeichhia te chuan an kawppui te chu chawhrualin 69% perfect angah an chhuah thei tawk.
He poll, hmeichhe 2,000 zingah neihah hian, tuman an kawppui te chu an duhthusam an nih thu an sawi lova, an kawppui te laka lungawi famkim pawh pakhatmah an awm lo.
‘Mipa perfect’ ni a an ngaih te an han thawhkhawmah chuan personality tha chu No.1-ah a awm a, chumi dawtah sense of humor leh hmel landan te a awm ve leh bawk.
Remington-a an marketing director Nikki McReynolds-in Daily Mail chanchinbu hnena a sawi danin, mipa te an kawppui ten ‘perfect’ an tih theih lohna chhan tlanglawn deuh te chu- an thian te sawisel sak an ching tih te, an motor khalh dan sawisel an ching tih te, ek in kawngka khar lova inthiar an ching, tih te, sports an en nasa lutuk tih te leh an intifai peih tawk lo, tih te pawh a tel nawk mai.
Hmeichhia te chuan thil thenkhat an hmuh kân mai theih a awm a, mahse, thenkhat, an palzam mai theih loh leh an ngaihzam mai theih loh te a awm ve bawk a ni.
He poll atanga an hmuh danah, hmeichhia ten mipa ‘perfect’-na tur dal tu ni a an sawi tlangpui te chu:
1. Mipain hmeichhe chhungte an ngaina ve tak tak lo.
2. Toilet tihfai an peih lo.
3. Hmeichhe thiante an ning thin.
4. Naupang an enkawl tha peih lo.
5. Inchhung chetah an thatchhia
6. Hmuihmul leh khabe hmul te an enkawl tha peih lo.
7. Kut leh ke tin hlehna hnu tifai lova kalsan daih an ching.
8. An phunchiar
9. Nu te an hlau lutuk.
10. Kawngka khar lova inthiar an ching.
11. Thawmhnaw bal chhuata vawm darh mai an ching.
12. Hmeichhe motor khalh sawisel an peih.
13. Mi zinga irh uk uk leh vawih te an ching.
14. Insuk an peih lo.
15. Sports an en nasa lutuk.
16. Eirawngbawl an taima lo.
Mr. Perfect an lo awm lo!
