MSL team vantlang an ni ngai lo va, tum hnih lai semi finalist an ni tawh – tun tum hi Mission Veng Hotshots hriatthiam an har ber tum a ni a, anni pawh hi an khelh fum tum chuan semi finalist awlsam taka kai thei an ni a; khelh fuh loh palh chuan relegate thei dinhmuna ding an ni!
Tualchhung player an kawlte pui tura an hnam dang player lakluhten MSL 11 ah hian an khelh that danah thui taka innghat an ni. MSL atanga an relegate zet hnua rawn inlan leh an nihna hian he team history tha tak lo hnutchhiat tawh hi hmuh an tichakawm hle.
Hotshots chanchina ngaihnawm ber lai pakhat chu, MSL atanga relegate zet tawh hi MSL khel tura rawn invawrh a, rawn inlan leh thei club tlem te zinga mi an ni lai hi a ni. Aizawl tlangval rual thian inthurualho hian heti chena thui hi he club hi an kalpui ta a, thlawptu Mission Veng mipui nei tha tak maw – tunkarah a hriat dawn e.
Hoops Mania Timeout
“Club lian kan ni ve lo va. Kan tan chuan champion han sawi ve pawh thil huphurhawm tak a ni. A sum nei te’n an duh ang zawng hnam dang player tha an chah theih laiin, keini chuan kan club ban phak tawk kan beisei ve ngam chauh a ni a. Chuvang chuan keini team tan chuan eng game mai pawh hi a pawimawh em em vek mai.
“Theihtawp leh tlem kan chhuah a tul dawn hle a. Chu chu kan player te bul a ka sawi tam ber pawh a ni a. Chutihrualin, MSL-11 hi a tikimtu mai nih kan tum lo va. A theih anga sang thleng thei turin kan inbuatsaih. Kan thawhrim ve na rah pawh seng ngei turah kan inngai e” tiin Hotshots head coach Ahruaia chuan The Aizawl Post Hoops Mania zawhna min chhang.
Team list
K. Lalfakzuala
Moses Zoremmawia
Lalruatkima
Moses Lalmuanzova
R. Lalchhanchhuaha (Mike-a)
Hmingmawizuala
Lalchhanhima Fanai
Roluahpuia Khiangte
Mika Lalruatdika Hnamte
VL Hlimpuia
Zothansanga
Lalhlunmawia
Lalhruaitluanga – Coach
Lalmuanpuia – Manager