MSL 11 tan a ni a, game hmasa berah Saron BC-in Khatla TBL an ngam!
Kan sawi nawn leh ang, kum 1997-a din Saron BC chuan MSL tum thum champion tawh Khatla TBL chu an coach Marc Tetea Sailo kaihhruaina hnuaiah 74 – 62 in an hneh.
Saron BC tan Mala hmuhnawm taka hun pawimawha a khel chhuak thei khan inkhel a thlak hlawk; TBL lamin an top players damlo ten khel thei se, result a inthlak hlawk an ring ang!
Inkhel hnuhnung zawkah Zarkawt BCA in Zemabawk BC chu 73 – 64 in an hneh bawk. Player of the match-ah Zonuna thlan a ni.
He match hi tawngkam khat lekin khaikhawm dawn ta ila – BCA player R-a’n a theihna leh a thatna offensive lam dah tha in, Zemabawk BC game plan chhut chhiat nana defensive game lama a inpumpek kha sawi hmaih a thiang lovang. K. Vanlalruata, BCA coach thluak a tha takzet bawk.
BCA leh ZBBC danglamna lian zet chu team insawhnghet tawh leh insiam rem mek an nihna lai hi a ni. Tunge tualchhung player nei tha zawk tih hi thlirtu lam tehfungah bukin an awm mek.
Zanina khel turte:
Mission Veng Hotshots Vs Zemabawk BC – 5:30 pm
Chhinga Veng BC Vs Khatla TBL – 8:30 pm