MSU-in Mizoramah CUET exam
theih dan dappui turin larsap ngen
Common University Entrance Test (CUET) 2025 chu Mizorama exam pek theih dan dan pui turin Mizo Students’ Union chuan larsap an ngen.
MSU Gen. Hqrs hruaitute hian Thawhtanni khan larsap Gen. Vijay Kumar Singh (Retd) chu Raj Bhavan-ah hmu in, CUET 2025-a zirlai engemawzat Mizoram pawna exam tura tihte chu zirlaite dinhmun a inchen loh avangin harsatna a awm theih thu an thlen a, Mizorama an exam theihnan hma lakpui turin an ngen.
Hemi chungchangah hian National Testing Agency director general hnenah pawh lehkha an thehlut tawh tih hrilhin, bawhzui sak turin an ngen nghal a ni.
Hei bakah hian Prime minister Narendra Modi hnena an lehkha thehluh sawiin, hma lakpui tur leh bawhzui sak turin an ngen a. Larsap chuan a bawhzui sak tur thu MSU hruaitute hi a hrilh a ni.
Larsap hian Eklavya Model Residential School, Kendriya Vidyalaya leh Sainik School-ah tun aia tam zawk Mizo zirlai lut se a tih thu a sawi a. Ruihhlo do kawngah tan a ngai, tiin, MSU chu thawho puiah a lo sawm a ni.
MSU-in Mizoramah CUET exam theih dan dappui turin larsap ngen
