Lalchhandama Colney
Ph-9862982321
Kan thupui han en vang vang hian, thalaite a kawk deuh vung mai a ni. Nu leh pa, puitling zawkte pawh min kawk tel ve tho mai. Tunlai khawvel angah chuan a hmanlai em mai, kan ti tawh mai thei. A ni tak a, tunhma chuan eng kan nei tha lo a, tunlai angin T.V., internet, computer, etc., kan nei lo bawk, chuvang chuan, khua a lo thim tawh kha chuan tih tur em em a awm tawh thin lo, mut kha a ni deuh mai tawh a ni. Kan pipute kha chu vartianah an tho a, tukthuan eikham veleh lo lamah an liam nghal vek zel a ni. Zan, hahchawlhna hun atana min siam, chhun, hnathawhna hun atana min siam kha tha takin an lo vawng reng tawh a ni. He khuarel sana, Pathian min lo siam sak hi vawiin thleng pawh hian a that bikna hi mithiamte pawh hian an la sawi reng a ni. Ram hrang hrangte sana a inang lo, tih kan hria a, a thenin chhun hun an hman laiin, a thenin zan, tlai, zing,etc., kan lo hmang hlawm a ni. Keini ramah chuan a tlangpui thu in, ni rei laiin zing dar 4, vel bawrah khua a var a, thlasik laiin dar 5/5.30.am. vel bawrah. Vairam kan tih, kan entawn hoah hi chuan a ni ve chiah lem lo.
|halai-te – |halaite han tih hian tleirawl/rawlthar atanga kum 40 chin zawng hi han ti ila, a dik ber awm e.Sawi tawh angin zan lamah, proramme, committee, hnatlang, inkhawm, tih te, chutiang nei ve lem lo tan pawh tul takin a awm ve theih a ni. A dik tak chuan arkaiden zan (Full Moon) pawh kan hre tawh lo, khawpuiah phei chuan thla en leh en loh, arsi lan leh lan loh pawh kan hre meuh tawh lo, chhun leh zan inang rengin kan hmang lo chauh tawh a ni. |angkai taka hmang eng zat nge awm ang aw, zan lama hnathawk chi, remchang zawk kan awm rual hian khawhral ve satliah mai mai hi engzat tak ni ang maw.Leh lamah chuan men rei, mut rei kha tunlai tih dan, mi pangngai,tihnate pawh a ni ta awm e. Nu leh pate pawn kan fate chu chutiang tur chuan kan dah sa vek tawh awm e. |halaite zingah ni chhuak lai, la hmu ngai miah lote pawh hi kan awm nual ka ring. Nia, mi chi hrang hrang kan awm, hetih lai hian hnathawk tura chhuak, thalai.hma tak takah an awm ve bawk a. A tlangpui thuin kan tunlai hri vei hi, a veitu kan tam, thalaite kan inngaihtuah harh a ngai, khuarel dan bawhchhiatna a ni, rah tha a neih vak a rinawm loh.
Infiammite – Mizote zingah infiammi tha tak tak, hmingthang tak tak, vawiin thlengin sawi tur kan la nei reng a ni. Infiammi ni tur chuan hriselna tha neih a ngai, zuk leh hmuam, zu, hmeichhiate pawh tih loh tur a ni. Mahni inthunun thei, taima, tuarchhel nih te pawh a ngai. Heng zawng zawngte zawm thei tur hian a bul berah chuan hunbi neih, mut hun, thawh hun, ei hun te. Sawi hranpa ngai loa thil awm sa,tih ngei tur chu,mut hma,thawh hma,a ni tlat mai.He mi tello hi chuan a tih theih loh, rei tak menga, tlai taka tho leh thin tan chuan kawng a awm meuh lo a ni ber mai e. Thisen pe tur pawh hian darkar 6 tal, zanah mut a ngai, infiammi ni tur phei chuan darkar 7/8 mu thei se duhthusam a nih ka ring, taksa pawh in a ngeih hle.
Mipui Nawlpui – Mi chi hrang hrang kan ni, kan chhangchhia te pawh ti ila kan ti sual em em lovang.Zing takah han vak chhuak la, han en vel teh, hna lo thawk mawlh mawlh, tul tak tak i hmu nualin ka ring, chutiang ang bawkin dar 8am vel pawha la inkalh hnan thap an lo awm ve bawk a, kan hun hman dan a inang lo hlawm hle. Mi ramah te kan awm a, kan zin nasa bawk a, thenkhat chuan an tihdan te kan copy ve ngawt a, engmah a awmzia leh tih chhan lam pawh hre hawt lovin. Hetih lai hian mi tul tak tak, zan lama hna thawh remchang zawk, dinhmunin a zir vak loh te kan awm bawk a. Aw le, zing dar 6-a tho thin i nih chuan, darkar chanve lekin han ti hma chhin teh, rin aiin i hlawk pui ka ring, tih tur tul hna i thawh belh teuh hman ang. Zuk leh hmuam ti mite chuan, kan tih hnem phah mai mai, an ti ve bawk a, thil tha lo an ching a, anmahni an inti buai tawlh tawlh a ni ber mai e. Security lam, medical lam mite hi chu kan sawi tel lova, he thufing, mu hma la, tho hma rawh tih hi i hre thar fo thin ang u.
Upa lam deuh te hi chu a tlangpui thuin kan tho hma em em, kan taksate a lo tar tawh a, duh ang pawn kan mu thei lo zawk thin a ni. |halai, la valaite tan chuan zing thawh hi a peihawmloh duh khawp mai, a then te phei chuan thawh hai kan hlau a, alarm-te kan set thin bawk a ni. Damdawi in hrang hrang han thlir kual la, chuta i hriat tur pakhat chu, mut hun, thawh hun, ei hun an nei thlap vek. Sipai hote pawh hi ralvengtu an ni a, englai pawha inring reng tur a ni, chuvang chuan, hma takah an mu a, hma takah thawh hun an nei leh a ni. Eng vang nge, hetia an la tih kher, kan tih chuan, kan taksa, rilru, hrisel tur hian thil pawimawh lutuk a la nih reng vang a ni. Kan hre theuh ang a – Early to bed and early to rise, makes a man healthy wealthy and wise tih sap thufing hi. Hei hi vawiin thleng hian siamtu sana min siam sak, zan-mut hun, chhun-hnathawh hun tih nen pawh hian a la inhne rem reng a ni, ngai pawimawh deuh deuh thei ila, medical bill-te pawh hi a ziaawm deuh mai thei asin.