2021 February ni 9-ah Myanmar an buai a, Mizoramah mi engemaw zat an raltlan zui nghal. Vawiin thlengin Mizoramah Myanmar atanga raltlan sing thum chuang an awm.
Home department chhinchhiahna thar berah chuan Myanmar atanga raltlan hi Mizoramah mi 34346 an awm a, naupang pawh sing chuang an awm.
Myanmar atanga raltlanah hian naupang pawh 13000 chuang an awm bawk.
May ni 4 thlenga an dinhmunah chuan, raltlante hi a tam zawk chu relief camp ni lovah n awm; relief camp hi 149 a awm a, relief camp-ah mi 16445, relief camp pawnah mi 17901 an awm.
Myanmar atanga raltlan hi, hun engemaw chen chu a hlawma Mizorama lut an awm tawh lo a, thla hmasa khan vawi thum vel chu a hlawma lut an awm leh. Hei vang hian raltlan zat pawh hi tun hnaiah a pung leh a ni.
Raltlan hi Champhai district-ah an tam ber a, 14499 an awm. Siaha district-ah 6044 an awm a, Lawngtlai district-ah 5922, Aizawl district-ah 2291 an awm.
District tinah raltlan hi an awm a, an tlem berna Khawzawl district-ah mi 134 an awm. Kolasib district-ah mi 139 an awm a, Saitual district-ah 211 an awm.
Kolasib, Serchhip, Saitual leh Khawzawl district-ahte relief camp a awm lo a, relief camp awm lohna hi raltlan tlemna a ni hlawm.
Myanmar atanga raltlan mi 34000 vel
