Mizo Zirlai Pawl chuan Sairang thlenga rel a lo luh thuai dawn avangin sawrkarin inner line permit (ILP) check dan turah ruahmanna felfai zawk a siam theih nan hma lak an tum.
MZP rorelna sang ber dawttu, Federal Council Sitting vawi 47-na chu Ningani khan Aizawlah neih a ni a. MZP Hqrs, Sub Hqrs, Branch, Hnampual leh Colleg SU aiawh telnaah hian thu ngaihtuah zinga pasarih an pawm.
MZP president H Lalthianghlima chuan tlang hrang hranga MZP-ten kan ram leh hnam tan ngaihtuahna kan sen thar a ngai a. Zirlaite thlavang hauh tur leh thil diklo siamtha turin insanmar a tul tih a sawi a ni.
Tunhnaiah hna lak diklo leh fair lo chu MZP-in a hrechhuak nasa a, hei hi an ni’n dodal lo se, siamthatu tur dang an awm lo tih a awi. Buaina avangin Zofa unauten Mizoram an lo pankhawm a, tawng hrang hrang an hmang a, kan nunphung pawh inang diak diak kher lo mah se, ramriin a thendarh tawh kan nih avangin kan inhriatthiam tawn a ngai a, indawh tawn hram hram a tul tih a sawi bawk.
MZP-in ILP enfiah dan turah ruahmanna fel zawk siam duh
