MZU-ah international conference hmang
Department of Chemistry & Department of Industrial Chemistry Mizoram University leh Pachhunga University College chuan Association of Chemistry Teachers (ACT) Mumbai thawhpuiin November 6-8 chhung khan international conference – “Current Advances in Chemical Sciences Research and Education” (CACSRE-2024) leh “National Convention on Chemistry Teachers” (NCCT – 2024) chu MZU hmunah an buaitsaih.
CACSRE-2024 & NCCT-2024 hawnna hi Higher & Technical Education minister Dr Vanlalthlana chuan hmanpuiin zirna lama hmasawnna a ngaihpawimawh zia leh science zirna lamah a bikin hma lak a ngaih thu a sawi a ni. ACT Award dawngtu mi 9 hnenah award a sem nghal a ni.
Ladhakh University vice chancellor Prof SK Mehta leh Cotton University Guwahati vice chancellor Prof RC Deka te chu khualzahawm an telpui a. A buatsaihtute aiawhin ACT president Prof. Brajesh Pare leh general secretary Dr Damodhar V. Prabhu ten an telpui bawk.
Minister of Education, Pu. Vanlalthlana hian
Republic of Russia-a Novosibirsk Institute of Organic Chemistry atangin Prof. Konstantin Volcho,, Mizoram atangin Regional Institute of Paramedical and Nursing Science Aizawl director Prof. Sanjay Sawant, IIT-Guwahati atangin Prof T Punniyamurthy leh Cotton University Guwahati vice chancellor Prof Ramesh C. Deka ten lecture pe in, ramchhung atanga university leh college hrang hrang atangin thusawi 12 an awm a, research scholar leh college faculty atangin poster presentation 33 ngaihthlak a ni bawk.
“Climate Change & Sustainable Development” chungchang zirho niin, Staines Memorial School Aizawl, Dawrpui School of Science and Technology Aizawl, St. Joseph Higher Secondary School, Aizawl leh Kendriya Vidyalaya Project Pushpak Aizawl leh Kendriya Vidyalaya Mizoram University Campus atangin zirlai leh zirtirtu an tel a ni.
CASRE-2024 ah hian University of Delhi atangin Prof. Rajeev Gupta, University of Gujarat Ahmedabad atangin Prof. VK Jain, Banaras Hindu University Institute of Science Prof. Maya Shankar Singh, Indian Institute of Science Education and Research Bhopal Prof. Manmohan Kapur leh IIT-Hyderabad Prof. G Narahari Sastry ten lecture an pe a, institution dang atangin, Novosibirsk Institute of Organic Chemistry atangin Dr Nikolai Li-Zhulanov leh faculty mi 7-in thu an sawi bawk.
Hei bakah hian zirlai 30 atangin oral presentation ngaihthlak a ni a, zirlai 33-in poster presentation an nei bawk a ni.
MZU-ah international conference hmang
