Mizoram University Department of Political Science leh Indian Council of World Affairs (ICWA) New Delhi thawhpuina in, “Border Management: Traditional and non-traditional security Challenges” tih thupui hmangin ni thum awh tur international seminar chu Thawhlehni khan MZU hmun Tanhrilah neih tan a ni.
Khuhhawngtu adviser to chief minister (Political) Lalmuanpuia Punte, MLA chuan, Mizoram chu India state te pawl ni si ah chuan ram dang nen ramri intawmpui a ngah a, sawrkar laipuiin Act East Policy a kalpui turah hian hmun pawimawh tak chelh thei dinhmunah a ding tih a sawi.
“He policy hian sumdawnna leh hmasawnna tam tak a rawn keng tel dawn a, Mizo mipui leh thangtharte inchimral tir kan duh loh chuan, lo inrin lawk a ngai. State hmasawnna chiah thlir loin, kan hnam leh mipui hmasawn a pawimawh zawk,” a ti.
Seminar hi MZU in-charge vice chancellor Dr Laltluangliana Khiangte leh sawrkar laipuia International Affairs advisor (Singapore) Laldinkima Sailo te chuan khualzahawm niin an telpui a. ICWA aiawhin research associate, representative of the ICWA New Delhi Dr. Subodh Chandra Bharti chuan a telpui bawk.
MZU-ah international seminar
