Mizoram University-a faculty leh zirlaite chuan Dr BR Ambedkar leh Mahatma Jyotirao Phule pianhcham pualin an ngaihhlut zia lantirna atan Thawhlehni khan MZU hmunah symposium leh open discussion an buatsaih.
MZU pro vice chancellor Prof. Pravakar Rath leh RIPANS Aizawl director Prof Sanjay Sawant ten an hmanpui a. Prof. Sanjay Sawant chuan Dr BR Ambedkar leh Mahatma Jyotirao Phule ten khawtlang nun dikna chanvo leh intluktlan neih theihnana hma an lo lak tawhna, dinhmun thalo zawka dingte chawikan kawnga sulsutu an nihna sawiin, vawiin thlenga thangtharte kawng sialsaktu an ni tih a sawi.
MZU pro VC pawhin Dr BR Ambedkar leh Mahatma Jyotirao Phule ten dinhmun chhe zawka awm te chawikan hna an lo thawh tawh chu chhawmnung zel turin MZU faculty leh zirlaite a chah tih a sawi a. MZU chu degree sem chhuahna hmun chauh ni lo, khawtlang nun siamthatna kawngah pawh hmun pawimawh tak ni turin mitin mawh an phur tih a sawi.
Chawhnu lamah “Mahatma Jyotirao Phule & Dr BR Ambedkar: Architects of Modern India” tih thupui hmangin sawihona hman a ni a, mithiamte atangin thusawi ngaihthlak a ni.
He hun buatsaihtute hi – Prof Kishore Gaikwad, Prof Awadhesh Kumar, Dr T Rajesh leh zirlai aiawh Shubham Yuvaraj, Rajesh Banavath leh Robin Kumar an ni a. Heng mite bakah hian panel member 8 – Prof Kishor Gaikwad, Prof Kottu Shekhar, Prof Awadhesh Kumar, Dr R Changsangpuii, Dr Sushma Kumari, Dr Chetana Kumari, Dr Praveen Kenderla leh KatyaPrasad an tel.
MZU-ah mi pahnih pualin hun hmang
